ОПШТИНСКО ОСНОВНО МУЗИЧКО УЧИЛИШТЕСтефан Гајдов Велес

По ослободувањето во 1945 година и признавањето на македонската државност, првпат слободно се зборува и пее на македонски јазик. Во тој период, покрај хоровите и фолклорот, велешката чалгија има доминантна улога, што ја поттикнува идејата за формирање прво основно музичко училиште во Македонија.
На 21 ноември 1946 година е донесена одлука за отворање нижа музичка школа – прва од овој вид во државата. Училиштето работи од ноември 1945 под името Киро Димов, а официјално е верификувано во 1946.

ООМУ „Стефан Гајдов” се наоѓа во централното градско подрачје на Велес на ул.Благој Нечев бр. 8 во месноста Дворови, непосредно до железничките пруги Скопје-Кочани и река Вардар. Во близина на училиштето се наоѓаат Народната кујна, ДУСО Јовче Тесличков, Градскиот музеј, локална библиотека Гоце Делчев, Ликовен салон, сала Бели Мугри и други општествени и културни објекти.

Зградата која училиштето ја користи е изградена во 1936 год, за подоцна да биде преадаптирана во музичко училиште со приземје и два ката.
Училишната зграда опфаќа површина од 460 м2 и дворно место 374м2 со целосна површина на зградата 834м2. Расположливи простории во учлишната зграда се 11 кабинети, 3 канцеларии, 1 работилница и 2 санитарни јазли.